Suhutan

Marhite suhut-suhutan do dipasahat natua-tua tu angka gellengna poda manang hata sipasingot. Suhutan do dipangke nadeba laho papodomhon ianakhonna. Ditogihon ma marsuhutan di na laho modom i, dipaganjang ma antong suhutanna on, ala ni ganjangna gabe tarpodom ma antong dakdanakna i.

Dibagasan suhutan godang do dipatolhashon angka parsuhutan pangatusion na ringkot di parngoluon si ganup ari. Sian suhutan do deba dapot angka informasi taringot tu parngoluon ni angka ompunta sijolo-jolo tubu. Jadi suhutan on tung godang do lapatanna ianggo di hita bangso Batak.

Laos suhutan do tong-tong dipagana-gana parsuhutan na gabe hiburan, ima na tau siparengkelon ni angka namambegehonsa. Boi dohonon maol do mambahen suhutan sipalas roha ni angka dongan jolma. Godang do suhutan i gabe bonsir parbadaan dohot parsalisian. Alai dia jolma na martalenta tusi, tung hira songon aek na mamolus do dibahen. Parniulaan dohot angka pandokkonna tau siparengkelon,mengkel suping sahat tu margak-argak. Tung na sala pe didok, dang tau hansit ni roha. Songoni ma molo na tardok parlalun.

Porlu pasomalon ianggo na palashon roha ni dongan. Marsuhutan na damor begeon ni sipareon, huhut muse dibagasan suhutan i dibahen angka informasi natau parbinotoan manang pangantusion na hombar tu ngolu si ganup ari. Martamba suhutan laos tamba nang engkel suping. Antong anggiatma dibagasan halaman "Suhutan" on tarpatupa bahan natau palashon rohan. Sai jumpang ma suhutan namarsitomuan dohot engkel suping. Botima (gbn)